Edukimi

42 Tirana

42 Tirana është një shkollë e inxhinierisë softuerike pa tarifa shkollimi, e vendosur në Piramidën e Tiranës dhe pjesë e rrjetit global 42 Network. Modeli i saj inovativ bazohet në projekte dhe të nxënit bashkëpunues mes studentëve, pa mësues, leksione tradicionale apo kërkesa për njohuri paraprake në programim. Përmes projekteve praktike dhe bashkëpunimit, studentët zhvillojnë aftësi teknike dhe të zgjidhjes së problemeve në një mjedis mësimor të aksesueshëm 24/7. Përtej programimit, 42 Tirana nxit krijimin e lidhjeve profesionale përmes hackathons, seminareve dhe aktiviteteve me përfaqësues të industrisë, duke përgatitur brezin e ardhshëm të profesionistëve të teknologjisë.

Metro Research

MetroResearch është një qendër kërkimi dhe zhvillimi e themeluar nga Universiteti Metropolitan i Tiranës, e fokusuar në avancimin e njohurive dhe mbështetjen e zhvillimit social dhe ekonomik. Përmes kërkimit shkencor, konsulencës dhe projekteve bashkëpunuese, qendra vepron në fusha si arsimi, sipërmarrja, inovacioni, teknologjia dhe zhvillimi i qëndrueshëm, duke lidhur ekspertizën akademike me sfidat dhe mundësitë e botës reale.

Microfolie

Programi Micro-Folie është një iniciativë kulturore e mbështetur nga Ministria Franceze e Kulturës dhe koordinuar nga La Villette në Paris, në partneritet me institucione të njohura kulturore si Qendra Pompidou, Muzeu i Luvrit, Muzeu d'Orsay etj. Në kuadër të bashkëpunimit ndërmjet Ambasadës Franceze dhe Bashkisë së Tiranës, projekti "MICROFOLIE" është vendosur pranë Qendrës Piramida, duke ofruar një Muze Dixhital interaktiv me mijëra vepra arti për qytetarët e të gjitha moshave.

College of Europe

College of Europe është një institucion i njohur i arsimit pasuniversitar, i specializuar në studimet evropiane, që bashkon studentë nga e gjithë Evropa dhe më gjerë për të trajtuar sfidat që formësojnë të ardhmen e kontinentit. Kampusi i Tiranës ofron programin master në Transformimin dhe Integrimin Evropian, me fokus te zgjerimi i BE-së, Ballkani Perëndimor dhe marrëdhëniet mes Bashkimit Evropian dhe Evropës Juglindore. I vendosur në Piramidën e Tiranës, institucioni kontribuon në formimin e brezit të ardhshëm të profesionistëve të angazhuar në bashkëpunimin dhe integrimin evropian.

Junior Achievement Albania

Junior Achievement of Albania (JAA) është themeluar në vitin 2012 nga Fondacioni Shqiptaro-Amerikan për Zhvillim (AADF), me qëllim fuqizimin e të rinjve përmes edukimit financiar, sipërmarrjes dhe gatishmërisë për tregun e punës.

AADF Scholarship Program

Programi i Bursave të AADF mbështet studentët shqiptarë përmes bursave studimi në universitete prestigjioze ndërkombëtare dhe programe me diplomë të dyfishtë, duke ofruar konsulencë dhe orientim arsimor të dedikuar në hapësirën e Piramidës.

TUMO Tirana

TUMO është një qendër inovative edukimi për të rinjtë e moshës 12–18 vjeç, e krijuar për të nxitur kreativitetin dhe për të zhvilluar aftësitë digjitale përmes të mësuarit praktik. Modeli i saj unik ndërthur të mësuarit e pavarur me workshop-et dhe laboratorët praktikë në fusha si programimi, robotika, animacioni, dizajni grafik dhe filmi. Përmes eksperimentimit, zgjidhjes së problemeve dhe të menduarit krijues, TUMO u jep të rinjve mundësinë të zbulojnë interesat e tyre, të zhvillojnë aftësi të reja dhe t’u japin jetë ideve të tyre.

42 Tirana

Shiko më shumë